ବାପା

କେତେଥର କହିଲି ବାପା

ତୁମେ ଚାଲିଆସ

ଆମ ପାଖକୁ ।

ଟାଟା ସ୍କାଏରେ ଦେଖିବ

ଓଡ଼ିଆ ଟିଭି,

ଇଣ୍ଟରନେଟରେ ପଢ଼ିବ

ଓଡ଼ିଆ ପେପର,

ବୋହୁ ବି ରାନ୍ଧିଦେବ ଏଠି

ଓଡ଼ିଆ ଘରର ଖାଦ୍ୟ,

ବାପା ତୁମେ ଚାଲିଆସ,

ବୋଉକୁ ନେଇ

ତୁମେ ଚାଲିଆସ ।

ଏଥରକ ବି ମିଳିଲାନି କିଛି ଉତ୍ତର 

ପାଣିଚିଆ ଆଖି ଆଉ..
ଗୋଟେ ଦୀର୍ଘ ନିଶ୍ବାସ 

ନୀରବତାରେ କେହି ଯେମିତି କହୁଥିଲା, 

କେମିତି ଛାଡିଦେବି ଶେଷବେଳେ 

ମୋ ମା କୁ,

ସେ ମାଟି ଆଉ.. ସେ ଗାଁ କୁ ।

***********

ଆଉ କଣ ମାଗିବି ପ୍ରଭୁ

ଆଉ କଣ ମାଗିବି ପ୍ରଭୁ
ଏତେ ସବୁ ପାଇ,
ଆଉ କଣ ଚାହିଁବି ପ୍ରଭୁ
ତୁମଠାରୁ ଏତେ ସବୁ ନେଇ |

ଆଉ କିଛି.. ଆଉ କିଛି
ମାଗୀବିନି ଆଉ,
'ଆଉ କିଛି' ର ତ ନଥାଏ ଶେଷ,
'ଆଉ କିଛି' ରେ ତ ବୁଝେନା ଶୋଷ |

ସୁଖ ବି ଲାଗିବ ସ୍ବାଦହୀନ
ପାଖେ ଯଦି ଦୁଃଖ ଟିକେ ନାହିଁ
ଖରା ଅଛି ବୋଲି ସିନା
ବୁଝୁଛି ମୁଁ କେତେ ମିଠା ଛାଇ |

ଆଉ କଣ ମାଗିବି ପ୍ରଭୁ
ଏତେ ସବୁ ପାଇ,
ଆଉ କଣ ଚାହିଁବି ପ୍ରଭୁ
ତୁମଠାରୁ ଏତେ ସବୁ ନେଇ |

କିଛି ସ୍ମୃତି

ଲମ୍ବା ରାତି ପାହେନା
ତୁମ ସ୍ମୃତି ମନରୁ ଯାଏନା ।

ପଛ କଥା ଏବେ ବି ଆସୁଛି
ଚୁପି ଚୁପି ପାଦ ଚାପି ଚାପି
ଅସ୍ବସ୍ଥିକର ଏ ରାତି ଗୁମସୁମ
ଅନେକ କଥା କହିଯାଏ,
ଏତିକି ଜାଣିନି ବୋକୀ
କିଛି କଥା ଭୁଲିଯିବା ପାଇଁ ହୋଇଥାଏ
ଭୁଲିଯିବା ପାଇଁ ହୋଇଥାଏ ।

ଲମ୍ବା ରାତି ତଥାପି ପାହେନା
କିଛି ସ୍ମୃତି ମନରୁ ଯାଏନା ।

ମୋ ପ୍ରଭୁ

ସୁଖରେ ହେଉ ଅବା ଦୁଃଖରେ
ଦୂରରେ ହେଉ ଅବା ପାଖରେ ।

ଶ୍ରଦ୍ଧାରେ ହେଉ ଅବା ଭକ୍ତିରେ
ଚିତ୍ତରେ ହେଉ ଅବା ସ୍ମୃତିରେ ।

ଯୋଗରେ ହେଉ ଅବା ଭୋଗରେ
ଗ୍ଲାନିରେ ହେଉ ଅବା କ୍ଷୋଭରେ ।

ଅଭିମାନ ଅନୁଭବରେ
ତୁ ତ ଅଛୁରେ ସବୁରେ ।

ଅବ୍ୟକ୍ତ ଚେତାନ ତୁ ମୋ
ଭାବର ଠାକୁର ।
ତୋ ଠାରୁ ଆରମ୍ଭ ମୁଁ
ହେବି ତୋ ଠାରେ ବିଲୀନ ।

ଆତ୍ମାରେ ହେଉ ଅବା ମୋ ସତ୍ତାରେ
ମୋ ଠାରେ ତୁ
ତୁ ମୋ କର୍ତ୍ତାରେ ।

ତୋ ପାଇଁ